En þannig er mál með vexti að daginn sem ég fór til London var ég boðaður á fund hjá fyrirtæki sem vantaði starfsmann og þar var mér tjáð að þeir ættu von á einum öðrum þann daginn og valið stæði á milli okkar tveggja, þeir voru búnir að vera að leita lengi og fara í gegnum þónokkuð magn af umsóknum, sá sem ég spjallaði við sagði að þetta yrði útkláð á símafundi á milli toppana í fyrirtækinu eftir báða fundina við okkur og að hann myndi þá hafa samband við mig seinna um daginn og láta mig vita hvort að ég fengi starfið eður ei. Svo nokkrum klukkutímum seinna, ég alveg að deyja úr spenningi yfir London ferð og þessu símtali kom loksins símtalið sem ég hafði beðið eftir í nokkra mánuði.
Þetta var yfirmaðurinn sem ég hafði rætt við á fundi fyrr um daginn, hann spurði mig hvort að ég hefði ennþá áhuga á starfinu og sagði mér að ef svo væri þá væru þeir búnir að ákveða að ég væri rétti maðurinn í starfið.
Svo var ákveðið að daginn sem ég kæmi frá London myndi ég mæta og skrifa undir ráðningarsamning, sem ég og gerði.
Og seinasta vika var fyrsta vikan mín í starfi hjá þessu fyrirtæki sem Grafískur hönnuður.
Fyrsta vikan gekk vel og starfið er mjög spennandi.
Smell you later!
